1. |
Inongo lekuak
04:53
|
|||
Geratu egiten gara ala joan.
Halaere, geratzen garenean ez gara apur bat joaten?
Eta joaten garenean ez gara geratu egiten?
Hemen, geratu eta joan egiten gara?
Ala honuntz gatoz oraindik?...
|
||||
2. |
Paradisu hontan
03:26
|
|||
PARADISU HONTAN
Aurrerapenaren gose
gose ta egarritan
ba al zatozte bai hoixe
neoizko argien karrikan.
Etiketadun ametsak
irrifar margotuetan
kontrabandista traketsak
zahartu ginenak umetan
Klonatu ziren pausoak
lurrin berrien usaian
kaletutako usoak
behe lainozko paisaian
presaren presa koldarrak
ihesi goaz hain urrun
iristen beti azkarrak
gero ze egin ez dakigu
Lehenengo mundua deitzen
zaion paradisu hontan
zoriontasuna saltzen
ezer erostekotan
atseden hartzen dugunak
rutinaren magalean
bizitzaren alargunak
mundu birtualean.
Hego haizea hotz dator
|
||||
3. |
Harea
03:47
|
|||
HAREA
Hareazko hodeiertza
Hareazko etorkizuna
Hareazko bideak
Hareazko nekadura
Hareazko hitzetatik
Hareazko isiltasuna
Hareazko zainetik
Odolaren harea
Eta edonon hondarra, harea edonon
Dena da harea hemen
Kantu hodeierrtza
Kantu etorkizuna
Kantu bideak
Kantu nekadura
Kantu hitzak (kantu)
Kantu isiltasuna
Kantua zainena
Odolarena kanta
Eta edonon kanta. Hareazko kanta
Gu ginela zioen kanta.
Ahoan harea, hareazko espainena
Odolan harea. Hareazko zainena
O! heriotz harea. Hareazko herioarena
Dena da hareazko. Hareazkoa da dena.
Eta edonon hondarra, harea edonon
Dena da harea hemen
Hareazko hodeiertza, hareazko etorkizuna.
Kanta hodeiertza. Kanta etorkizuna
Kantu bideak. Kantu nekadura
Eta edonon kanta. Hareazko kanta
Gu ginela zioen kanta.
Hareazko etorkizuna
Hareazko isiltasuna
Hareazko nekadura
Hareazko hodeiertza.
(O. Girondoren “Arena” poema oinarri)
|
||||
4. |
Sorlekuaren kanta
03:23
|
|||
Sorlekuaren Kanta
Sorlekura, iturrira
laino gisa, soilik
itzultzen dira urak.
Sorlekura, iturrira,
oroiminez soilik
itzultzen dira bideal,
oi, ur eta lainoak
bideak eta oroiminak!
Zer izanen naiz ni bihar,
iturrira, sorlekura, itzultzean!
Lainoa izanen naiz?
Oroimena izanen naiz?
(Joseba Sarrionandia)
|
||||
5. |
Esku ahurreko marrak
02:51
|
|||
SKU AHURREKO MARRAK
Bizitzaren goldeak marratu zizkigun ahurretako ildoak
Eta ildo horietan dautza gure bide guziak.
Hor dira zeharkatuko ditugun ziudadeetako karrikak,
Hor dontzeila nigartiak eta idi gorriztak,
Hor trenbide amaigabeak eta arpoia daramaten baleak,
Hor ispiluen bestaldeetan errinozeroen arineketak,
Hor amaraun hedatuak eta borrero lanik gabeak,
Hor hezur zaharrak eta lemarik gabeko untziak.
Ahurretako ildoetan dira guziak isladatzen,
Izei bakartiaren irudia laku bazterrean bezala,
Eta hilobi berberean ehortziko gaituzte Gu eta gure marrak, gu eta gure ekibokazio horik guziak.
(Joseba Sarrionandia)
|
||||
6. |
Zer esan
02:21
|
|||
ZER ESAN
Zer esan esan ezinaz eta beharraz
Zer isiltazunaz, minaz.
Zer malkorik gabeko nigar garratzaz.
Zer esan autoen joan etorriaz
Zer kaleetako jendeaz
Zer ondotik pasa eta zer aurrera jarraitzeaz.
Zer esan galdu dugun ez dakigunaz
Zer galdu beharrekoaz
Zer bizitzak eman eta hartu gabeko …
Zer esan aurrean dugun bide luzeaz
Zer esan amaieraz, mugaz.
Zer zubi eroriez eta zer eraiki beharrekoaz
(Julen Zulaika)
|
||||
7. |
Itsas hegiak
04:12
|
|||
Badira itsas-hegiak
(bazter labainkorrak)
non irristatzen naizen
behin eta berriz.
Badira itsas-hegiak
non kolpatzen naizen
behin eta berriz.
Non, (haitzetako labanez)
zauri hertzigaitz jozita
ene oinazpi eta esku ahurrak,
larrutik ordaintzen dut
ausardi guztia,
lehorteratze bakoitzean .
Eguneratze bakoitza.
-_ -_-_-_-
(Badira itsas-hegiak) non elkarri joka dabiltz
pilatzen amets eta mezudun boteilak
(non pilatzen diren …dabiltz,
elkarri joka mezudun boteilak)
(juztizia eskaeren moduan)
itsas beherak eramaten /dituen arte
beste hegi berri batera
non ikusezin bihurtzen diren,
ikusezin.
-_-_-_
Badira itsas-hegiak
non pausatzen diren
zuhaitz bilusiak.
Itsas-gezalak betirako
harri bihurtu dituen sustraiak,
enbor apatridak bihurtzeraino.
Betirako deserrian.
Hondartzan baraturik
bale galduen antzera.
Enbor ahaztu(ar)en antzera./
Bada itsas hegi bat non gurutzatzen den
Mendea eta segundua.
Hiltzera doazen olatuei
Bitsa dario ezpain ertzetik
Itsas-labarren kontra hautsiz
Amets eta mezu boteilak
Lehorteratzeke lur maitatuan
Non mezuak desegiten diren
Non mezuak jada desegin diren.
(Bateria: David Etura; Baxua : Mikel Artieda; Gitarra eta ahotsa: Jexuxmai Lopetegi; Gitarra arpegioak: Xanet Arozena,;)
|
||||
8. |
Ez diren gauzak
03:40
|
|||
(Hitzak: Joseba Sarrionandia / Musika: Jexuxmai Lopetegi)
Litezkeen gauzarik ederrenak ez dira.
Mezurik sakonenak ez dira oraindik esan.
Herrialde gehienak herrialde ezezagunak dira.
Ez den zenbat gauza , ez den zenbat jende den munduan.
Ez den herrialdean sortu ginen eta, geu ere, izan esan gabe doa, ez garena gara.
Dena gabezia, dena atzetasuna, dena bitartea, dena hutsaldia, dena aldartea dena lekutasuna.
Eta egiteko gehienak egiteke ditugu.
Poemarik behinenak izkiriatzeke daude…
Ez diren gauzak ere badira.
Bizitza, ez diren gauzez ere osatzen delako.
|
||||
9. |
Ni naiz Basquiat
04:13
|
|||
(Hitzak : Harkaitz Cano / Musika : Jexuxmai Lopetegi)
Ni naiz (Jean Michel) Basquiat artista beltza, beltz eta zuriek baztertutakoa.
Ni naiz (Jean Michel) Basquiat haur problematikoa, topera bizi nahi zuen gazte xalo rasta, zaurian hazka eta hazka; zer izan hura gasta...
Sakona, azalekoa, erreala, fikziozkoa...
Ni naiz (Jean Michel) Basquiat, zuk nahi duzuna naiz: lapurren arma, frakasoaren ama.
Ni naiz bai (Jean Michel) Basquiat aingeru edo erregea, hogeita zazpi urterekin gaindosiz hil zena.
Koadro garestietan nesken telefonoak idatzi zale, lientzo bihurtu nituen, (New Yorkeko) zubi eta kale.
Brooklyngo hilerri honetan, lore ximel artean lurpetik besoa altxatuaz, jo nahi nuke zure atean!
Pintatzea baino nahiago, zurekin baltsean; boxeolari lurperatuekin mozkortuz gauean...
Pop arteari popatik eman ziona naiz maiz!
Ni naiz, bai, (Jean Michel) Basquiat! galtzaile trebea, (maitale hobea!)
ni naiz (Jean Michel) Basquiat....
(amets bat bera ere ez nuen graffitirik gabea...)
|
||||
10. |
Pessoa gogoan
03:10
|
Jexuxmai Lopetegi Zarautz, Spain
Jexuxmai Lopetegi abeslari eta gitarrista gipuzkoarra da. Akelarre taldearekin egin zen ezagun, 80ko hamarkadan, eta ondoren bakarkako ibilbideari ekin zion, Jexumai & Noizbehinka izenarekin. Ahots bero eta atsegina du Lopetegik, eta bere kantagintzak rock, blues, pop eta folketik hartzen du. ... more
Streaming and Download help
If you like Jexuxmai Lopetegi, you may also like:
Bandcamp Daily your guide to the world of Bandcamp